LEVEL UP - Beweegungschallenge

Du wëlls Beweegung an däi schouleschen Alldag abauen, och iwwert de Sportunterrecht eraus? Du wëlls reegelméisseg nei Iddie fir Beweegungsaufgaben? An du mengs, datt deng Klass prett ass, fir un eiser Beweegungs-Challenge deelzehuelen a flott Präisser ze gewannen? Da bass du hei genee richteg. Gëff alles, zesumme mat denge Schoulkanner, a gewann den Titel „Déi beweeglechste Klass 2026”.

Vum 12.November 2025 u luet de SCRIPT all 6 Wochen (ëmmer no der Schoulvakanz mëttwochs) eng nei Beweegungs-Challenge op Teams an de Grupp “Level-up Beweegungs-Challenge 2026” erop. Soubal s du deng Klass dofir ugemellt huet, kriss du Accès op dësen Team.

Umelle fir déi éischt vun dräi Challengë kanns du deng Klass ënnert dësem Link.

Déi zweet Challenge kriss du mëttwochs, de 7.Januar 2026 an déi drëtt a lescht geet mëttwochs, de 25. Februar 2026 online.

Um Enn vun all Challenge luets du e kuerze Video ( deen s du mam Handy maache kanns, net beaarbechte muss a wou all d’Kanner sollen drop sinn, déi un der Challenge deelhuelen) vu maximal 1 Minutt a 5 Fotoen op Teams, an de Grupp “Level-up Beweegungs-Challenge 2025” erop. No all Challenge kriss du ee kuerze Feedback vun eis.

Wann s du an deng Klass et no deenen 3 Challengë bis an d’Finall gepackt hues, stellt dir iech zesumme mat anere Klassen nach enger leschter, decisiver Challenge. Hei huet deng Schoulklass d’Chance, ëm den Titel vun der „beweeglechster Klass 2026“ ze kämpfen, sech feieren ze loossen a flott Präisser ze gewannen. Hei d’Gewënner vun 2025. Weider Detailer gëss zu engem spéideren Zäitpunkt gewuer.

Aart vum Concours

6 Wochen Challenge

Challenge #1: ab mëttwochs, den 12.November 2025, Deadline: 17.Dezember 2025

Challenge #2: ab mëttwochs, den 7.Januar 2026, Deadline: 11.Februar 2026

Challenge #3: ab mëttwochs, de 25. Februar 2026, Deadline: 25.Mäerz 2026